துஷ்பிரயோகம் செய்தால் பறித்து கொள்வான் !

அதிகாரம், பதவி, செல்வம், செல்வாக்கு, தகுதி, உரிமை ஆகிய இவை யாவும் இருப்பவரிடம் இருக்க வேண்டும். இவற்றுக்கு தகுதி அல்லாதவருக்கு சில சமயம் இவை முயன்று பெறாமல் கிடைத்து விடக் கூடும். எல்லாம் கடவுளின் திருவிளையாடல் அல்லது அதிர்ஷ்டம் என்றும் சொல்லலாம். 

ஆனால்  இதனால் ஏற்படும் விளைவு ? "அற்பனுக்கு வாழ்வு வந்தால் அர்த்த ராத்திரியில் குடை பிடிப்பான்" என்ற கதைதான். 

முயன்று கிடைக்காதது ஏன் நமக்கு கிடைத்தது என்பதற்கு கடவுள் எப்போதும் ஒரு பதில் வைத்திருப்பான். அந்த பதில் நல்ல பதிலாக அமைவதற்கும், கெட்டதாக  அமைவதற்கும் நமது செயல்பாடே அளவு கோலாக அமையும். அதாவது கிடைத்ததை தவறாக பிரயோகம் செய்தால், கடவுள் அதை நிச்சயம் பறித்துக் கொள்வான். 

அதே நேரத்தில் முயன்று கிடைத்ததையும் துஷ்பிரயோகம் செய்தலாகாது. அது திரும்பத் தாக்கி விடும்.

எனவே துஷ்பிரயோகம் தவிர்.