அழுத பிள்ளைக்கு பால் கொடுக்கும் தீர்ப்பு இது...

அழுத பிள்ளைக்கு பால் கொடுக்கும் தீர்ப்பு இது...

உயர் நீதிமன்றத்தில் ஆயுத காவற்படை எப்படி வந்தது? வழக்குரைஞர்களின் மீது யார் தடியடி நடத்த சொன்னது? இதற்கு பதில் அளிக்க அரசு தரப்பில் தாக்கல் செய்யப்பட்ட ஆணையுறுதியாவணத்தில் வரும் 16-ஆம் பத்தி பின் வருமாறு கூறுகிறது..

“16. I am informed that around 4.00 pm, the stone pelting continued and a few two wheelers and cars were damaged and many police personnel sustained injuries on their head and other vital parts. Head Constable 276 Krishnakumar sustained a grievous stone-hit injury on his testicles, became unconscious and fell down on the ground. The situation was turning grave and the life and security of the general public and the police personnel was in imminent threat. To protect the life and property of the police personnel, the public and others, the Additoinal Commissioner of Police (law & Order) who was the seniormost officer present in the spot, consulted other senior officers in the spot, viz., the Joint Commissioner of Police (North), the Joint Commissioner of Police (Central), the Deputy Commissioner of Police, Flower Bazaar, the Deputy Commissioner of Police, Pulianthope and the Deputy Commissioner of Police, Kilpauk and took the collective decision to declare the assembly as unlawful and to disperse it. Accordingly he directed the Deputy Commissioner of Police, Flower Bazaar who in turn took measures to disperse the unlawful assembly using minimum force.”

இதில் வரும் சில முக்கிய வரிகளின் தமிழாக்கம் படி, "காவல் அதிகாரிகள், பொது மக்கள் மற்றும் பலரின் உயிரையும் உடமையையும் காப்பாற்ற சம்பவ இடத்தில இருந்த மிக மூத்த காவல் அதிகாரியான கூடுதல் காவல் ஆணையர் (ACP) (சட்டம் மற்றும் ஒழுங்கு), சம்பவ இடத்தில இருந்த இதர மூத்த காவல் அதிகாரிகளான காவல் இணை ஆணையர் (JCP) (வடக்கு), காவல் இணை ஆணையர் (மையம்), காவல் துணை ஆணையர், பூக்கடை மார்க்கெட், காவல் துணை ஆணையர் (DCP) - பூக்கடை மார்க்கெட், காவல் துணை ஆணையர் - புளியந்தோப்பு, காவல் துணை ஆணையர் - கீழ்ப்பாக்கம் ஆகியோருடன் கலந்து ஆலோசித்து, அங்கிருந்த கூட்டத்தை சட்ட விரோதமான கூட்டம் என்று விளம்பவும் அதை கலைக்கவும் கூட்டு முடிவு எடுத்தார். அதன்படி அவர் பிறப்பித்த ஏவுரைக்கு (direction) இணங்க, பூக்கடை மார்கட் காவல் துணை ஆணையர் அந்த சட்ட விரோதமான கூட்டத்தை குறைந்தபட்ச பலப் பிரயோகம் செய்து கலைக்க நடவடிக்கைள் எடுத்தார்."

இதன் அடிப்படையில் உயர் நீதிமன்றம் பின்வருமாறு தனது தீர்ப்பை பகருகிறது. "8. As we find that a prima facie case made out to initiate disciplinary proceeding against the concerned officers, to ensure the State Government to pass appropriate orders, we are of the view that i) Mr.A.K.Viswanathan, IPS, Addl. Commissioner of Police (Law & Order) and ii) Mr.M.Ramasubramani, IPS, formerly Joint Commissioner of Police (North) (Jurisdiction JCP), should be placed under suspension, as they were the persons who were in the helm of the affairs and under whose direct supervision the operation was carried on."

இத்தீர்ப்பில் ஒரு மிகப் பெரிய நெருடல் உள்ளது. அதாவது ஒரு அத்து மீறிய செயல் இங்கு நடந்துள்ளது என்பது தெளிவாக அரசு தரப்பில் மேற்சென்ற பத்தி 16-இன் வாயிலாக ஒத்தேற்க்கப்பட்டுள்ளது. அச்செயலுக்கான முடிவு கூட்டாக எடுக்கப்பட்டு உள்ளது (கவனிக்க : 'கூட்டாக') என்றும் கூறப்பட்டு உள்ளது. எப்போது ஒரு செயல் செய்ய கூட்டாக முடிவு செய்யப்பட்டது என்று சொல்லப்படுகிறதோ அப்போதோ அவ்வாறு முடிவு செய்த அனைவரும் கூட்டாகவும், தனிதனியாகவும் பொறுப்பாவார்கள் என்பது சட்ட நிலைப்பாடு. அப்படி இருக்க (1) கூடுதல் காவல் ஆணையர் (ACP) (சட்டம் மற்றும் ஒழுங்கு) (திரு A.K. விசுவநாதன்), (2) காவல் இணை ஆணையர் (JCP) (வடக்கு) (திரு M. இராம சுப்பிரமணி) ஆகியோர் மட்டும் பணி இடை நீக்கம் செய்யப்பட்டிருப்பது ஒரு சட்டத் தவறு. பத்தி 16-இல் சொல்லப்பட்ட அனைத்து காவல் அதிகாரிகளையும் உயர் நீதிமன்றம் பணி இடை நீக்கம் செய்ய அரசுக்கு ஆணை இட்டு இருக்க வேண்டும்.

அத்துடன், அரசு சார்பில் இந்த ஆணையுறுதியாவணத்தை உயர் நீதிமன்றத்தில் தாக்கல் செய்பவர் காவல் ஆணையர் (திரு இராதா கிருஷ்ணன்) ஆவர். சம்பவ தினத்தன்று அவரும் சம்பவ இடத்தில இருந்து உள்ளார். அதற்கு நிறைய ஆதாரம் உள்ளது. காவல் ஆணையர்கள் அனைவர்க்கும் உயர்ந்த நிலையில் இருக்கும் இவரையும் பணி இடை நீக்கம் செய்து இருக்க வேண்டும்.

ஒரு பக்கம் இத்தீர்ப்பை நாம் வரவேற்கிறோம். ஆனால் பிள்ளைகள் ஒரு மாதமாக அழுது கொண்டிருக்கிறார்கள் என்று ஒரு வாய் மட்டும் அமுது ஊட்டிய தாயாகத்தான் தற்போது நாம் உயர் நீதிமன்றத்தை காண்கின்றோம். எங்கள் பசிக்கு (மன வேதனைக்கு) இது போதாது...